Bergstaden Røros og Circumferensen får kr 13 200 000 fra Riksantikvaren. Kvart år får norske verdsarvstader tilskot over statsbudsjettet. I denne runden delast det ut over 60 millionar kroner til arbeidet med den norske verdsarven.
Klima- og miljødepartementet er øvste ansvarlege myndigheit for oppfølging av verdsarven i Noreg. Fordelinga av tilskot skjer via Riksantikvaren.
─ I Noreg er vi stolte av den fantastiske verdsarven vår. Stadene er viktige for heile verda, men kanskje mest av alt for lokalsamfunna som tek vare på den. Dette er lokal innsats med global tyding, seier klima- og miljøminister Sveinung Rotevatn.
Rjukan og Notodden, Vestnork fjordlandskap og Vegaøyan
Industriarven i Rjukan og Notodden vart tildelt verdsarvstatus i 2015. Tildelinga på 17, 353 millionar vil i 2020 blant anna bli brukt til arbeid med å sikre Tungtvannskjellaren.
I verdsarvområdet Vestnorsk fjordlandskap er det store behov for istandsettingsarbeid. I kulturmiljøa her er det spor etter liv og bruk i naturen, til dømes hyllegarder, løer og naust. Tildelinga på fem millionar skal nyttast til å styrke innsatsen med istandsetting.
På Vegaøyan er det også store behov for istandsetting, og det er ei auke i søknadar til istandsettingsprosjekt. Tilskota, som i 2020 samla utgjer fire millionar, vil også gå til andre spanande prosjekt, blant anna jordkjellarkurs, tranmaling og ærfuglarkitektur.
– Kultur- og naturarv som står på UNESCO si verdsarvliste har universell tyding. Noreg er medlem av verdsarvkomiteen i åra 2017-2021, og med dette følgjer eit ekstra ansvar for å forvalte vår eigen verdsarv på ein god måte, seier riksantikvar Hanna Geiran.
Den norske verdsarven får midlar
I Bergstaden Røros og Circumferensen skal tilskota i 2020 blant anna brukast til langsiktige ordningar knytt til bygningsarv og arealskjøtsel. Urnes stavkyrkje får tilskot til tilsetjing av unge, lokale tunvertar. På Bryggen i Bergen skal ein blant anna vidareføre store, pågående prosjekt i Bredsgården og Svendsgården. Bergkunsten i Alta i Finnmark får 4 200 000. I Finnmark står også dei fire norske målepunkta på Struves meridianboge, som får 1 565 000 kroner til arbeid med skjøtsel og formidling.
Her er en oversikt over hvem som får tilskudd i 2020:
| Mottakarar | Utbetaling 2020 |
| Struves meridianboge | 1 565 000 |
| Bergkunsten i Alta | 4 200 000 |
| Vegaøyan | 4 000 000 |
| Bergstaden Røros og Circumferensen | 13 200 000 |
| Vestnorsk fjordlandskap | 5 000 000 |
| Bryggen i Bergen | 13 200 000 |
| Urnes stavkyrkje | 1 235 309 |
| Rjukan-Notodden industriarv | 17 353000 |
| Norges verdensarv | 535 000 |
